- Aanlyn kursusse, Huwelik
- 20 (Geregistreer )
-
(0 Review)
Gretha Wiid se aanlyn kursus bevat 21 geheime om ’n paartjie te help saamstaan teen enigiets wat julle uitmekaar wil trek. Die Liefdesuitdaging aan die einde van elke geheim sal julle prakties help om julle vaardighede te slyp sodat julle sterker anderkant sal uitkom.
Ons hardloop die rotteresies, net om eendag wakker te word en te besef: Ons twee is nie meer so naby aan mekaar soos voorheen nie. Een effektiewe manier om ’n huwelik te laat hou, is om tyd en energie daarin te belê en julle huwelik die hoogste prioriteit te maak – soos toe julle nog uitgegaan het.
Gretha deel haar insigte, soos hoe om die konneksie te behou ten spyte van hindernisse en hoe om op die regte manier te baklei. Sy gee ook nuttige gereedskap om die sprankel te behou, selfs as julle al lank getroud is. En hoe om seksuele en emosionele probleme te oorkom.
Of julle pas getroud is, of al baie sakke sout saam opgeëet het, of net wil voorberei vir die reis, Laat jou huwelik werk sal julle verhouding omskep in ’n vervullende, suksesvolle en voorspoedige huwelik.
Die Liefdesuitdagings bevat voorstelle en oefeninge om julle verhoudingsvaardighede te slyp sodat julle kan saamwerk aan ’n vervullende verhouding.
Hoe werk dit? Albei lees die spesifieke geheim en gebruik die vraag of opdrag om julle gedagtes neer te skryf. Julle maak dan ’n afspraak, ontmoet mekaar by julle gunsteling plek, en bespreek dit met mekaar. So herhaal julle die stappe vir elke geheim.
Ingesluit by dié huwelikskursus is klanksnitte, om julle te help om die probleme in julle huwelik anders te hanteer as in die verlede.
Kursusinhoud
-
Laat jou huwelik werk
- Ons is nou die heel belangrikste
- Huweliksmaat of huismaat?
- Die ou koeie in die sloot
- Saam bid, bind julle aanmekaar
- Die seisoene van ‘n huwelik
- Ontrouheid gebeur nie oornag nie
- Geld: Kwaad of goed
- Sit tegnologie op sy plek
- Gesonde grense met stokperdjies
- Luister vir ‘n slag
- Skoonma of Skoonmonster
- Intimiteit is die gom van die huwelik
- Berading kan jou huwelik red
- Deur dik en dun
- Moeg en moedeloos
- Jou tong het mag
- Hou mekaar se emosionele tenks vol
- Vergifnis is die beginpunt vir groei
- Speel klaar met jou eie verwonding
- Pitkos vir jou huweliksreis (1)
- Pitkos vir jou huweliksreis (2)
Verwante kursusse
