Maak jou kind speel-speel slim

Kundige Lizanne du Plessis
Kategorieë Aanlyn kursusse, Maak jou kind speel-speel slim, Ouerskap
Studente 0 (Geregistreer )
Resensie

(0 Review)

Jul

Watter ma smag nie na kosbare oomblikke saam met die kinders wat haar hart se punt is nie?

Kinders is op hulle beste as hulle ’n sterk band het met iemand wat vir hulle omgee. Wanneer jy in die tye wat julle saam is, regtig met hulle bind, word hulle brein gestimuleer, hulle verhouding met jou versterk en hulle gedrag verander.

’n Positiewe band met ’n pa en ma verminder ook ’n kind se stres, laat hulle beter slaap, ontwikkel hulle emosionele intelligensie en verbeter hulle skoolprestasie.

Hoe bou ons verhoudings as ons tyd min is, ons uitgeput is, ons stres hoog is en almal in die huis verskillende temperamente en ouderdomme het? Gelukkig het jy geen spesiale toerusting, duur speelgoed of tegnologie nodig nie.

Gee net jou tyd, jouself, jou geduld – en siedaar! Alles wat jy moet weet, is in Maak jou kind speel-speel slim.

LIZANNE DU PLESSIS is getroud met Marius en hulle het twee dogters. As arbeidsterapeut en Finesse se ouerskapkenner kry sy gereeld te doen met ma’s wat raadop is met kinders wat nie luister nie, nie eet nie, nie slaap nie of nie speel nie. Sy deel graag haar kennis en insig om die tye wat jy in elk geval by jou kinders is, meer doelgerig te maak. Hulle sal beter groei en ontwikkel, julle verhouding sal sterker wees en daardie uitdagende gedrag sal verminder.